VOV4.K’ho - Mho òr (23/3), tàm hìu lơh broă Chính phủ, Thủ tướng ồng Nguyễn Xuân Phúc đơng lam pơrjum Thường trực Chính phủ bè broă rơcang sơndră mờ kòp Covid-19.

Tềng đăp mờ broă rơcang sơndră mờ kòp gơtìp kal ke, Thủ tướng đơs loh: Tàm bơh 10 tus 15 ngai tai geh ai tơngo\ broă lơh geh cồng nha ha là ờ geh cồng nha bơh broă rơcang sơndră mờ kòp Covid-19 tàm lơgar Việt Nam.

Thủ tướng sồr til mpồng ală broă lơh ờ geh kuơ kờ` tơmù uă ngan broă tơrgùm gal cau, sồr ală hìu yàng, hìu duh khoai ba` tơrgùm gal cau. Tàm pơrjum, Thủ tướng kung yal jơnau chờ là tus tu\ do, ală mpồl lơh broă, ală cau neh tă pơgồp geh 305 tơmàn đong, khà priă dong kờl bơh tin nhắn là mờr 60 tơmàn đong.

Pơn jờng ală mpồl lơh broă, ală cau neh tă priă dong kờl, bal mờ Dà lơgar tàm broă rơcang sơndră mờ kòp gơtòp, Thủ tướng đơs, rơcang sơndră mờ kòp là kơnòl bơh gùt làng bol, den tàng anih lơh sa kă bro, làng bol tă priă dong kờl là kuơ màng ngan, tàm hơ\ uă ngan là tàm tu\ uă anih lơh sa kă bro kung gam tìp uă kal ke tài kòp gơtòp.

Cau mblàng Ndong Brawl