VOV4.K’ho- Drim òr (19/8), tàm Hà Nội, Ban Tuyên giáo dà lơgar bơyai lơh broă lơh tìp mat cau pơn rơ jak gùt lơgar nam 2019 tàm broă bơsram mờ lơh jat nùs nhơm, broă lơh mờ rài kis Hồ Chí Minh dê mờ tơngume "Hồ Chí Minh – Gùng lòt kơ\p kơnơm”.  

Thủ tướng Nguyễn Xuân Phúc tus bal mờ geh jơnau đơs tàm dơ\ tìp mat. Thủ tướng đơs loh, gơ wèt mờ tơl nă bol he, Chủ tịch Hồ Chí Minh sùm là tềl tơngo\ àng gơ crà bè nùs nhơm, broă lơh mờ rài kis kac màng, krơh niam phi să, tă pơgồp jơh dùl rài kis ai broă lơh kac màng bơh Đảng, bơh jơi bơtìan dê, jơh nùs, jơh pràn drơng broă dà lơgar mờ drơng broă làng bol. Bác Hồ neh lời wơl ai ală rơnàng tu\ do mờ rài tơnơ\ in dùl phan bơna nùs nhơm dờng màng uă ngan, hơ\ là nùs nhơm Hồ Chí Minh dê, broă lơh Hồ Chí Minh, rài kis Hồ Chí Minh mờ rài Hồ Chí Minh dê.

Ală jơnau bơto bơtê bơh Bác Hồ dê tus tu\ do kung gam bè ờs bơta kuơ. Bơsram mờ lơh jat nùs nhơm, broă lơh mờ rài kis Hồ Chí Minh dê là kơnòl kuơ màng, sùm sùm mờ jo\ jòng bơh ală mpồl đảng, ală kấp geh gơnoar, ală mpồl lơh broă chính trị- mpồl bơtìan, ală anih lơh broă, mpồl lơh broă mờ tơl nă kuang bàng, đảng viên, pơgồp bơnah bơt bơtàu Đảng, bơt bơtàu broă lơh chính trị sàng goh, kơ\ kơl jap, bơt bơtàu bơta niam chài rơgơi, kòn bơnus Việt Nam di pal mờ  jơnau kờ` bơtàu tơnguh kơ\ kơl jap bơh dà lơgar dê.

Cau mblàng K’ Hạnh