VOV4K’ho – Tàm Hà Nội, Bộ Giáo dục mờ Đào tạo bơyai lơh pơrjum tơn jơh nam bơsram 2018 – 2019, lam lơh kơnòl broă nam bơsram 2019 – 2020.

Đơs đơng lam tàm pơrjum, Thủ tướng Chính phủ, ồng Nguyễn Xuân Phúc sồr Gah bơto bơsram pơn jat tai lam lơh jơh nùs, ring bal ală broă lơh kung bè lam lơh geh cồng nha 5 mpồl kơnòl broă kuơ màng neh ai tơlik tàm nam bơsram pa.

Sền dờng màng tus broă lam lơh ờ uă tơngume, bè: kờp sền wơl broă rơndap lơh ală hìu bơsram, cơldu\ bơsram, ngan là kấp mầm non, phổ thông. Ală tiah dong kờl, rơndap ai tơl ù nàng lơh hìu bơsram, bơsong jơh bơta ờ tơl ơdu\ bơsram ai kấp mầm non in, ngan là tàm ală khu công nghiệp, khu chế xuất. Bơt bơtàu broă rơndap lơh bơto pơlam cau pơgru tơl khà nàng lam lơh broă lơh bơto bơtê pa. Chồl pràn bơto bơtê nùs nhơm, kis niam tàm kơnòm bơsram, cau bơsram dờng, tơr gùm tơnguh bơta niam mpồl cau lơh broă, ngan là cau lơh broă geh bơta niam uă…

Cau mblàng K’Duẩn