VOV4.K’ho- Drim ngai 26/11, tàm Busan, lơgar Hàn Quốc, ồng Nguyễn Xuân Phúc Thủ tướng Chính phủ neh bal mờ ală Kuang bàng đơng lam bồ mpồl ASEAN mờ ồng Moon Jae-in Kuang ătbồ lơgar Hàn Quốc tus bal pơrjum dơ\ sơnrờp bơh Pơrjum Kấp kuang bàng dờng màng tơngkah 30 nam gi\t gơ\p lơh broă bal ASEAN mờ Hàn Quốc bal mờ tơngume “Gi\t gơ\p ASEAN mờ Hàn Quốc: 30 nam do mờ 30 nam tơnơ\”.Tàm pơrjum, ală kuang bàng đơng lam bồ jờng rơ ngan bơta git gơ\p lơh broă bal đah ASEAN mờ Hàn Quốc neh bơtàu tơnguh bềng bơta kah niam ngan tàm 30 nam do, geh làm uă tàm ală gah broă bơh chính trị- lơngăp lơngai, lơh sa, niam chài- mpồl bơtiàn mờ tìp mat lơh quèng bal đah làng bol. Hàn Quốc là dùl tàm ală lơgar lơh broă bal kuơmàng khà dùl bơh ASEAN dê.

Kuang đơng lam bồ ală lơgar ASEAN jờng rơ Gùng dà broă lơh wèt tus tiah đah jum pa bơh lơgar Hàn Quốc dê mờ bơta lơh ngan bơh să tờm is ồng Moon Jae-in Kuang ătbồ lơgar Hàn Quốc dê tàm broă lơh bơta gi\t gơp mờ ASEAN tàm pe broă tờm là ring lơngai- pas sơm mờ kòn bơnus. Ală lơgar ASEAN ưn ngài mờ kơ\p kờ` Hàn Quốc pơn jăt tai lơh ngan dong kờl ASEAN lơh pràn lơh bal, bơ\t bơtàu Mpồl bơtiàn, dùl nùs bal mờ gơnoar broă tờm bơh ASEAN dê mờ jơh nùs tus bal tàm ală gùng dà broă lơh sơlơ tơnguh tìp mat cribơyai broă, lơh geh bơta pin dờn bơh ASEAN drơng lơh, lơh broă bal sơndră wơl geh cồng nha mờ ală bơta lòng lơngăp lơngai ờ geh bơh lài, tă pơgồp gàr bơta ring lơngai, lơngăp lơngai mờ kơ\ kơl jăp tàm tiah do.

Cau mblàng Lơ Mu K’Yến