VOV4.K’ho- Mho ngai 29/7, tàm Cơldu\ lơh broă Chính phủ dê, ồng Nguyễn Xuân Phúc Thủ tướng Chính phủ neh geh dơ\ cribơyai tàm điện thoại mờ mò Ursula von der Leyen, Chủ tịch Ủy ban châu Âu (EC) bơyai bè lam lơh Hiệp định Kă bro Khăt gơboh Việt Nam mờ Mpồl Tam klăc châu Âu (EU) đơs lơyah là EVFTA mờ bơta gi\t gơ\p lơh broă bal đah Việt Nam mờ EU tàm ală broă.

Tàm dơ\ cribơyai tàm điện thoại, 2 gah đơs sùm bơta kuơmàng mờ hơ pơn jăt tai pơgồp bal niam nàng kờ` lam lơh geh cồng nha Hiệp định EVFTA, lơh niam ngan rlau jơh ală bơta kuơ mờ Hiệp định digơlan cèng wơl ai 2 gah in, tă pơgồp tàm broă chồl tơnguh lơh khăt gơboh kă bro, lơh broă bal, lơh bal tàm tiah châu Á- Thái Bình Dương, pơgồp bơnah gơguh wơl lơh sa tàm tu\ tơngai lơh sa gùt plai ù mờ tàm tiah do dê gam kong gơrềng uă ngan bơh kòp dờng Covid-19.

Thủ tướng ồng Nguyễn Xuân Phúc đơs mờ broă EU là mpồl lơh broă bal kă bro dờng dơ\ puan, drà tăc phan mờ lơgar ndai dơ\ 2 mờ là cau bơcri priă dờng dơ\ 5 bơh Việt Nam dê, Hiệp định EVFTA là tu\ niam bơtuah ngan dong 2 gah lơh pràn lơh broă bal mờ bơtàu tơnguh bal.

Cau mblàng Lơ Mu K’Yến