VOV4.K’ho –  Drim ngai 12/8, Thủ tướng Nguyễn Xuân Phúc neh đơng lam pơrjum Chính phủ tơngume bơt bơtàu adat boh lam nhai 7 nam 2020, tơrgùm cribơyai bè 2, 3 rơndap lơh adat boh lam.

Bè tơngume atbồ dà lơgar gơ wèt tus mờ gah gàr niam ờ do ờ dă gùng lòt ù gờl, Thủ tướng sồr Bộ Kuang àng đơng lam, pơgồp bal mờ Bộ Giao thông Vận tải pơn jat tai kờp sền, tơrgùm lơh sir rlau, gàr niam bơta tơrgùm jơh ală bơta, tơl làm, ring bal, ờ gơ rơndap rơndồl mờ gah gùng lòt ù gờl neh geh cih tàm Adat Gùng lòt ù gờl. Thủ tướng Nguyễn Xuân Phúc đơs nền, ờ do ờ dă gùng lòt là broă dờng, kươ màng ngan tài “màng kis kòn bơnus là kươmàng ngan rlau jơh”. Broă bơt bơtàu Adat gàr niam ờ do ờ dă gùng lòt ù gờl là kươmàng, bơh broă tam cah bơh Adat Gùng lòt ù gờl.

Cau mblàng K’Duẩn