VOV4.K’ho - Tàm dơ\ tus còp mùl màl lơgar Hàn Quốc, ngai òr (28/11), Thủ tướng Chính phủ ồng Nguyễn Xuân Phúc cri bơyai mờ Thủ tướng lơgar Hàn Quốc ồng Lee Nak Yeon.

Thủ tướng lơgar Hàn Quốc ồng Lee Nak Yeon đơs niam bơta kuơ bơh broă tus còp mùl màl lơgar Hàn Quốc bơh Thủ tướng Chính phủ ồng Nguyễn Xuân Phúc dê gơwèt mờ broă tơnguh nùs nhơm pin dờn mờ g^t wă bal, chồl pràn broă lơh bal bơh bàr lơgar tàm ală gah broă.

Kuang bàng đơng lam Chính phủ bàr lơgar ring bal pơn jăt tai tơnguh nùs nhơm pin dờn chính trị, chồl pràn broă lơh bal tơnguh bơtàu pràn kơl dang, geh cồng nha mờ tơl ală bơta rơlao bơh broă lơh geh cồng nha ală cơ chế lơh broă bal, cri bơyai bal tu\ do geh, pờ ơnàng broă tìp bal làng bol, tơnguh broă pơgồp bal tàm ală broă tàm tiah do mờ tàm dunia.

Thủ tướng lơgar Hàn Quốc ồng Lee Nak Yeon đơs tòm, lơgar Hàn Quốc sùm geh gùng dà broă lơh sền kuơ, tơnguh broă lơh bal jrô ơnàng mờ lơgar Việt Nam; mờ đơs tai, lơgar Hàn Quốc geh ală broă sền gàr gơnoar bal mờ bơta kuơ di mờ adăt boh lam, ai geh bơta niam oh kòn ală hìu nhă geh uă bơta chài rơgơi lơgar Việt Nam mờ lơgar Hàn Quốc bơsram mờ dờp pơn jăt tai bơta chài rơgơi bal mờ dà đơs bơh bàr jơi bơtiàn, tơrgùm bal mờ gơs làng bol gùt plai ù dê.

Cau mblàng Ndong Brawl