VOV4.K’ho- Tus mờ đơs tàm Pơrjum tơn jơh broă lơh nam 2019, lam lơh jăt kơnòl broă nam 2020 bơh Tập đoàn Ồs đèng Việt Nam (EVN) dê, ồng Nguyễn Xuân Phúc Thủ tướng Chính phủ jờng rơ mpồl kuang bàng, cau lơh broă gah ồs đèng sùm tam klăc bal, lơh ngan sơrlèt gan kal ke, lơh geh uă cồng nha dờng ngan bơh ală tu\ tơngai; đơs nền, tàm cồng nha lơh geh dờng ngan bơh dà lơgar dê tàm nam do geh bơta tă pơgồp kuơmàng bơh EVN dê.

Tập đoàn sền bal lơh geh tơl đèng ai bơtàu tơnguh lơh sa in, tàm tu\ đèng bơh EVN pa dê geh tus 54%. Sơnđờm lơh mờ pờ tơlik ồs đèng uă broă lơh. Lơh gơlik mờ kă bro geh cồng nha. Tơm kes priă dà lơgar in niam, ală sơ`io khà priă jền ndrờm lơh geh.

EVN là dùl tàm ală tập đoàn geh broă lơh dờng ngan rlau jơh bơh dà lơgar dê. Lơh gơs ală kơnòl broă chính trị mpồl bơtiàn, ngan là ai đèng ai [òn lơgar mờ bồt bơlào in. Do là cồng nha dờng màng pơnrơ ngan.

Cau mblàng Lơ Mu K’Yến