VOV4.K’ho- Drim ngai 10/12, tàm [òn dờng Cần Thơ, ồng Nguyễn Xuân Phúc Thủ tướng Chính phủ sơnđờm dơ\ tìp măt boh bơr mờ cau lơh broă sa Việt Nam dơ\ 2 bal mờ 3 mpồl broă dờng.

Đơs tềng đăp dơ\ tìp măt boh bơr, Thủ tướng ồng Nguyễn Xuân Phúc jờng rơ làng bol cau lơh broă sa tàm gùt lơgar neh geh pơgăp 2 rbô jơnau lùp gơ wèt mờ ồng Thủ tướng, tàm hơ\ geh ală jơnau lùp ngan tơn tàm broă lơh gơlik phan mờ kă bro phan lơh geh bơh sươn sre, cau lơh broă sa tus bal tàm ală anih lơh gơlik phan mờ tăc mờ lơgar ndai.

Thủ tướng pà gi\t geh să tờm tơn kung bè sồr kuang đơng lam bồ Bộ Nông nghiệp mờ Phát triển Nông thôn, Bộ Công thương, Ngân hàng Dà lơgar Việt Nam hơ bal ală jơnau lùp bơh làng bol lơh broă sa dê, ngan là cau lơh broă sa tiah ring dà dờng Cửu Long, tiah lơh sa sươn sre kuơmàng bơh gùt lơgar dê.

Tơnơ\ dơ\ tìp măt boh bơr do, Thủ tướng geh pơn jăt tai tìp măt boh bơr mờ cau lơh broă sa gùt lơgar tàm tiah tàm gùl lơgar. Jơnau Thủ tướng tìp măt boh bơr mờ cau lơh broă sa dơ\ 2 pơn jăt tai tơngo\ bơta sền gròi bơh Đảng, Dà lơgar dê gơ wèt mờ mpồl cau lơh broă sa Việt Nam, iăt kơno, tă bơsong ală kòl yan nàng dong lơh broă sa sươn sre, cau lơh broă mờ [òn lơgar bơtàu tơnguh pràn kơldang rlau tàm tơngai tus.

Cau mblàng Lơ Mu K’Yến