VOV4.K’ho - Drim òr (03/12), tàm Hà Nội, Thủ tướng Chính phủ ồng Nguyễn Xuân Phúc tus pơrjum tơnkah 30 nam ngai crơng gơs mpồl cau ling yau Việt Nam ngai 06 nhai 12, Pơrjum dờng pơrlòng kờ` gơboh mờ dà lơgar tơngai bơh nam 2014 tus 2019 mờ dờp Huân chương lao động khà dùl.

                                                                Ală kuang bàng tus pơrjum tơnkah 

Đơs tàm pơrjum tơnkah, Thủ tướng ồng Nguyễn Xuân Phúc đơs niam ală broă pơrlòng kờ` gơboh mờ dà lơgar neh wèt tus tàm broă lơh jăt kơnòl chính trị kuơ màng, lài ngan bơh mpồl dê là tam klăc, lam sồr cau ling yau lơh jăt nùs nhơm tơnguh pràn is, lam sồr dong kờl bal tơnguh bơtàu lơh sa tơmù rơ[ah, lơh ngan lơh pas di pal, tơnguh uă rài kis phan bơna, nùs nhơm ală cau tàm mpồl cau ling yau in.

Thủ tướng Chính phủ ồng Nguyễn Xuân Phúc kơ\p kờ`, ală cau ling yau pơn jăt tai tus bal ală broă lơh tàm gah lơh sa, tơn jơh jơgloh tơmù rơ[ah, lơh pas [òn lơgar, dà lơgar in, drơng broă bơto bơtê bơhiàn niam ai rơnàng kơnòm să tu\ do in, pơgồp bal tàm broă gùt lơgar lơh ngan lơh geh cồng nha khà broă làng bol pas gơs, dà lơgar pràn kơl dang, lơh tòm, ndrờm bal jăk chài.

Dờp jơnau bơh Chủ tịch lơgar, Thủ tướng Chính phủ ồng Nguyễn Xuân Phúc neh jào pà Huân chương lao động khà dùl ai mpồl cau ling yau Việt Nam in.

Cau mblàng Ndong Brawl