VOV4.K’ho- Mho ngai 17/1, tàm hìu duh broă Chính phủ dê, ồng Nguyễn Xuân Phúc Thủ tướng Chính phủ wa\ rò mpồl ală giáo sư hìu bơsram Havard Kennedy, lơgar Mỹ lòt còp lơgar Việt Nam. Do là hìu bơsram gơ wèt hìu bơsram Đại học Harvad Kennedy, dờp kơnòl broă bơto tàm bồ tơngoh bơsram tơnơ\ đại học gơ wèt mờ gah lơh sră nggal dà lơgar, gùng dà broă lơh dà lơgar mờ ală broă gơrềng tus bơtàu tơnguh dunia.

 Tàm dơ\ wa\ rò, ồng Nguyễn Xuân Phúc đơs loh, broă lơh broă bal đah hìu bơsram mờ Việt Nam là geh cồng nha ngan, ngan là Broă lơh Đơng lam ătbồ kấp dờng màng (VELP) ai Việt Nam in, bơh hơ\ dong Việt Nam tam gơl bơh rài lơh sa broă rơndăp lơh tus rài lơh sa drà kă bro.

Thủ tướng đơs niam ngan broă bơto bơtê, bơto pơlam bơh hìu bơsram dê ai Việt Nam in. Thủ tướng Nguyễn Xuân Phúc đơs nền, gi\t gơ\p Lơh broă bal tơl mờ ală bơta đah Việt Nam mờ Mỹ pơn jăt tai bơtàu tơnguh geh kuơ ngan mờ geh cồng nha tàm jơh ală gah broă, tàm tơngai tus, Thủ tướng sồr hìu bơsram Harvad Kennedy tàm tơngai tus pơn jăt tai rơndăp tăp sèng bơyai lơh Broă lơh VELP bal mờ ală tơngume li la, uă mờ geh kuơ ngan, tă pơgồp tàm broă bơto mpồl cau lơh broă kấp dờng màng bơh Việt Nam dê kung bè dong kờl tơnguh jơh ală bơta gi\t gơ\p đah Việt Nam mờ Mỹ.

Cau mblàng Lơ Mu K’Yến