VOV4.K’ho- Drim ngai 25/2, Mpồl duh broă Bơto pơlam broă lơh priă jền dà lơgar neh pơrjum bơh bơta đơng lam bơh ồng Nguyễn Xuân Phúc Thủ tướng Chính phủ, Kuang ătbồ Mpồl duh broă do dê.

Thủ tướng đơng lam dơ\ pơrjum Mpồl duh broă Bơto pơlam broă lơh priă jền dà lơgar

Đơs sơnđờm mu\t pơrjum, Thủ tướng ồng Nguyễn Xuân Phúc pà gi\t, kòp Covid-19 gơrềng tus lơh sa gùt plai ù, ală lơgar geh bơta gơmù bơta gơguh lơh sa, tàm hơ\ geh ală cau lơh broă bal bơh Việt Nam dê.

Thủ tướng geh jơnau lùp: “Geh sơnơm vaccine lơi ai rài lơh sa lơgar Việt Nam in nàng sơndră wơl mờ bơta kòp gơmù uă lơh sa, nàng gơtùi lơh geh jơnau kờ` dơ\ le\ bal, là sơndră kòp Covid-19 mơya kung gàr geh khà gơguh lơh sa taih?”.

Thủ tướng sồr Mpồl duh broă do cribơyai, ai tơlik ală gùng dà, broă lơh, ală broă kuơmàng tàm gah lơh broă priă jền tu\ do, bơto pơlam ai Thủ tướng in ală gùng dà broă lơh đơng lam, ătbồ nàng lơh jăt jơnau kờ` ai tơlik, ngan là bàr pe broă bè bơcri priă.

Cau mblàng Lơ Mu K’Yến