VOV4.K’ho- Mho ngai 5/3, tàm hìu duh broă Chính phủ dê, ồng Nguyễn Xuân Phúc Thủ tướng Chính phủ đơng lam dơ\ pơrjum Thường trực Chính phủ bè broă lơh rcăng sơndră kòp Covid-19.

Pơndu\t dơ\ pơrjum, ồng Nguyễn Xuân Phúc đơs sùm, pơn jăt tai ngui broă lơh geh cồng nha là tam cah is. Jờng rơ ală bộ, ngành, ală tiah mờ làng bol ngai sơlơ gi\t wa\ loh làng rlau bè bơta kal ke mờ bơta ngòt rơngơ\t bơh kòp Covid-19 dê mờ geh gùng dà broă lơh sơndră wơl loh làng mơya Thủ tướng kung tơngkah lài bè bơta sơbơng roh bơh kòp dê, ngan là tu\ kòp neh lơh bơtờp uă tus 84 lơgar.

Thủ tướng sồr ală bộ, ngành ngui ală gùng dà broă lơh pa tàm broă rcăng sơndră kòp, tàm hơ\ geh broă gròi sền kòp tàm jơh bal gùng ù, gùng rơndeh par, mờ gùng dà. Tàm dơ\ pơrjum, Thủ tướng pà gi\t, Chính phủ neh cribơyai nền nòn ngan mờ geh ai tơlik ală gùng dà broă lơh, tàm hơ\ geh bal ală broă lơh priă jền, ală gùng dà broă lơh dong lơh sa kă bro.

Cau mblàng Lơ Mu K’Yến