VOV4.K’ho – Drim òr (20/8), tàm càr Bình Định, Thủ tướng Nguyễn Xuân Phúc neh đơng lam Pơrjum bơtàu tơnguh lơh sa tiah tàm gùl dà lơgar.

Thủ tướng đơs niam ală cồng nha niam ngan bơh broă lơh sa - mpồl bơtiàn tiah tàm gùl dà lơgar dê, mơya kung đơs tus ală bơta ờ niam tàm broă bơtàu tơnguh tiah do dê, bè: bơta pràn bơtàu tơnguh đơs bal, tàm hơ\ gơ noar broă bơh công nghiệp tiah do dê gam ờ hềt pràn mờ ờ hềt kơ\ kơljap; rơndap sap sèng broă lơh sa tam gơl kung gam lơyài mờ kung gam ờ hềt lơh loh gùng dà broă lơh lài ngan tàm broă rơndap lơh bơtàu tơnguh gah broă lơh, bơta niam mpồl cau lơh broă gam lơyah mờ sùm lòt tơnơ\ jơnau kờ` drà kă bro dê…

Tềng đap mat, ală càr tàm gùl dà lơgar pal lơh gơs kơnòl bơtàu tơnguh lơh sa mpồl bơtiàn nam 2019, nam kuơ màng, tơr gùm bơtàu tơnguh ală gah broă lơh geh bơta pràn tàm pơndrờm, ngan là lơh sa dà lềng; bơtàu tơnguh nhơl chờ gơ gơs là gah lơh sa kuơ màng. Pơn yơu tiah tàm gùl lơgar bè “Ntìng nggòr ngkời” bơh kòn bơnus dê, kuơ màng ngan gơ wèt mờ gùt lơgar, Thủ tướng đơs ngan, do là tu\ geh uă bơta nàng tiah tàm gùl dà lơgar in bơtàu tơnguh mhar, kơ\ kơljap, bơtàu tơnguh tiah tàm gùl dà lơgar ờ mìng là kơnòl bơh 14 càr tàm tiah do, ală bộ, gah broă lơh pal lơh broă bal nàng dong tiah tàm gùl dà lơgar bơtàu tơnguh. 

Cau mblàng K’Duẩn