VOV4.K’ho- Drim òr 1/10, tàm Hìu duh broă Chính phủ, ồng Nguyễn Xuân Phúc Thủ tướng Chính phủ, Kuang atbồ Tiểu ban đơng lam pơrjum duh broă sùm Tiểu ban Lơh sa- mpồl bơtiàn Pơrjum dờng cau ala mat gùt lơgar dơ\ 13 bơh Đảng dê. Đơs tàm pơrjum, Thủ tướng Nguyễn Xuân Phúc sồr Mpồl sền swì pơn jăt tai iăt kơno ală jơnau đơs tă pơgồp, broă cih mbè lơi nàng tơngo\ bơta kơ\p kờ` bơh jơi bơtiàn dê, nùs nhơm khin cha jak chài bơtàu tơnguh dà lơgar, lơh gơ chồl nùs gơ chồl tồr cau.

Bè rcăng khà gơguh lơh sa tơngai tus, Thủ tướng đơs wih đơs wơl là broă tàm dunia gơbàn kal ke tàm tu\ lơgar he mu\t gơrờm bal mờ dunia jrô ơnàng, uă broă ờ gơtùi gi\t lài, pal geh mblàng yal lơh loh bè khà lơh ngan gơguh lơh sa. Bè ală bơta bơtàu tơnguh kuơmàng, Thủ tướng tơngkah, đơs loh tai jơnau bơh tài yal ală bơta bơtàu tơnguh pa nàng đơs sùm gơnoar broă bơh ală jơnau do dê bal mờ bơta tam gơl pa pràn kơldang bè bồ tơngoh kơlôi sơnơng, tam gơl tàm broă kơlôi, broă lơh mờ tơrgùm lơh jăt.

Bè kơnòl broă, gùng dà broă lơh, Thủ tướng đơs sùm, do là tơngume kuơmàng ngan nàng đòm jăt lam lơh jăt. Pal pơn jăt tai lơh gơs bơnah do, ai tơmu\t tàm ală gùng dà broă lơh pal kuơmàng ngan, lơh lài mờ gơcèng bơta bơtàu tơnguh mhar. Thủ tướng jàu Mpồl sền swì in iăt kơno ală jơnau đơs tàm dơ\ pơrjum, lơh gơs sră yal, ală rơndăp cih jơnau yal nàng yal bơh Dà lơgar in tàm dơ\ pơrjum tus.

Cau mblàng Lơ Mu K’Yến