VOV4.K’ho- Drim ngai 24/3, ồng Nguyễn Xuân Phúc Thủ tướng Chính phủ đơng lam dơ\ pơrjum sền wơl bơh sơnrờp lơh jăt Kơrnoat dà lơgar 5 khoá 11 bàr pe broă bè dong kờl mpồl bơtiàn tơngai bơh nam 2012- 2020.

Thủ tướng đơs tàm dơ\ pơrjum

Tơnơ\ mờ tu\ iăt jơh ală jơnau đơs bơh ală bộ, gah lơh broă dê yal, pơndu\t pơrjum, ồng Nguyễn Xuân Phúc đơs, bơh lơh jăt Kơrnoat pà go\, geh uă bơta niam tàm broă dong kờl cau geh màng mờ dà lơgar, sền gàr tơl niam rài kis mpồl bơtiàn. Khà gơmù r[ah mhar, rài kis phan bơna mờ nùs nhơm bơh làng bol dê geh tơnguh tai. Mơya, dong kờl mpồl bơtiàn gam ờ hềt geh lơh jơh tus mờ ală cau, lơh ờ hềt dùl ròt bal.

 Tềng đăp măt, ngui jơh ală bơta pràn tam dră wơl mờ kòp Covid-19 geh cồng nha. Dong kờl mpồl lơh sa kă bro, cau lơh broă ờ geh broă lơh, gàr niam rài kis mpồl bơtiàn. Tàm hơ\, Thủ tướng đơs, tàm tơngai tu\ do, pal kơlôi sơnơng bè dùl bơnah priă dong kờl dà lơgar bè sền gàr tơl niam rài kis mpồl bơtiàn, geh bơta kuơ ngan ngồn gơ wèt mờ cau lơh broă.

Thủ tướng đơs là, pal geh pơrjum gùt lơgar tàm tơngai dipal nàng tơn jơh tơl làm ală broă dong kờl mpồl bơtiàn nàng bơh hơ\, iăt kơno tai jơnau đơs, geh broă dong kờl mpồl bơtiàn tàm 10 nam tus niam rlau.

Cau mblàng Lơ Mu K’Yến