VOV4.K’ho- Mho ngai 16/1, tàm Hà Nội, ồng Nguyễn Xuân Phúc Thủ tướng Chính phủ tus mờ đơs đơng lam tàm pơrjum tơn jơh broă lơh nam 2019, gùng dà kơnòl broă nam 2020 bơh Ủy ban ătbồ priă dà lơgar tàm mpồl lơh sa kă bro dê mờ 19 tập đoàn, tổng công ty.

Đơs tàm pơrjum, Thủ tướng sồr, ală bộ, ngành, ală tiah pal geh kơnòl uă gơ wèt mờ Ủy ban ătbồ priă dà lơgar tàm mpồl lơh sa kă bro dê, ngan là tu\ cồng nha lơh broă bơh tập đoàn, tổng công ty dê geh pơgồp bơnah tơnguh bơnah tă pơgồp kes priă tàm ală tiah do tơn. Thủ tướng sồr Ủy ban ătbồ priă dà lơgar tàm mpồl lơh sa kă bro yal mờ Thủ tướng in ală bộ, ngành lơi lơyaì halà ờ pơgồp bal lơh jăt kơnòl.

Tàm tơngai tus, Ủy ban ătbồ priă dà lơgar tàm mpồl lơh sa kă bro, ală bộ, ngành, tập đoàn, tổng công ty pal tam gơl bồ tơngoh kơlôi sơnơng jo\ jòng, tơngo\ loh nùs nhơm bơceh pa, drơng broă, ờ go\ di là sồr mờ sră pơ àr lơm, nùs nhơm ờ niam, ai tơl bơta [ươn ai mpồl lơh sa kă bro in bơtàu tơnguh, tàm hơ\ geh mpồl lơh sa kă bro dà lơgar dê.

Cau mblàng Lơ Mu K’Yến