VOV4.K’ho - Mho òr (30/1), tàm hìu lơh broă Chính phủ, Thủ tướng ồng Nguyễn Xuân Phúc đơng lam pơrjum Thường trực Chính phủ sền wơl broă bơyai lơh satềp ai làng bol mờ tàm hơ\ geh dùl tơngu me kuơ màng là cri bơyai ală broă lơh pràn kơl dang tàm broă sơndră mờ kòp as sồt gùng tă nhơm tài virus corona.

Tàm lơgar Việt Nam, jăt jơnau yal bơh Bộ Y tế, tus mho òr, neh go\ 3 nă cau là làng bol lơgar Việt Nam neh geh tu\ rê bơh [òn dờng Vũ Hán geh go\ mờ virus corona.

Bè bơta kòp as sồt gùng tă nhơm mhar tài virus corona, Thủ tướng ring bal mờ jơnau dan bơh ală tiah pal crơng gơs mpồl đơng lam sơndră mờ kòp geh Chủ tịch UBND càr lơh kuang atbồ mpồl, tàm nùs nhơm rơcang lài, 4 tơn tàm tiah.

Đơs pơn du\t tàm pơrjum, Thủ tướng đơng lam ală cấp, gah lơh broă pal tus mơ mờ broă lơh do, lơh mơ ală kơnòl geh jào pràn kơl dang, ndrờm bal. Lơh jăt mơ rơndăp broă bơcri priă, tăc mờ blơi phan, ală gùng dà broă lơh sa tu\ gơbàn kòp, tàm hơ\ uă ngan là ală gah gơtìp gơrềng bal tơn là nhơl chờ, kă bro, nhơm jờu, rơndeh par.

Cau mblàng Ndong Brawl