VOV4.K’ho- Drim ngai 24/4, Thủ tướng Nguyễn Xuân Phúc neh đơng lam pơrjum Thường trực Chính phủ iăt jơnau yal bè jơnau dan gùng dà broă lơh bơcri priă Broă lơh jơnau kờ` dà lơgar bơtàu tơnguh lơh sa- mpồl bơtìan tiah làng bol kòn cau mờ tiah kơh bơnơm tơngai bơh nam 2021 -2030. Jat jơnau dan bơh Ủy ban Kòn cau dê yal, Broă lơh lơh jat gơ wèt mờ ală xã, thôn geh khà hìu bơnhă làng bol kòn cau bơh 15% gơguh hơ đang, lơh jat 2 tu\ tơngai.

Kờp jơh priă bơcri lơh jat tơngai bơh nam 2021-2025 là pơgap 204 rơbô tơmàn đong mờ tơngai bơh nam 2026-2030 là rlau 210 rơbôtơmàn 500 đong. Jơnau kờ` tus nam 2025 tơr mù khà hìu bơnhă r[ah tàm tiah làng bol kòn cau pah nam rlau 3%, tơnguh priă lơh geh tàm hìu bơnhă làng bol kòn cau uă rlau 2 dơ\ pơn ndrờm bal dùl tu\ mờ nam 2019 mờ tus nam 2030 khà hìu bơnhă r[ah gơmù hơ đơm 10%. Ủy ban Kòn cau dan 10 rơndap broă lơh gơ wèt bàr pe gah broă lơh krơi is.

Thủ tướng ring bal mờ tơngume Broă lơh den pal tơr gùm tàm broă dong kờl rài kis lơh broă sa, lơh niam wơl rài kis làng bol kòn cau dê. Broă lơh pal kơlôi sơnơng tàm ală gùng dà broă lơh ngan ngồn rlau tai nàng bơsong bơta ờ tơl tiah ơm, hìu ơm, ù lơh sa, dà ngui sa ai làng bol kòn cau in tàm tơngai tus.

Cau mblàng K’ Hạnh