VOV4.K’ho- Mho ngai 20/4, tàm Hìu duh broă Chính phủ dê, ồng Nguyễn Xuân Phúc Thủ tướng Chính phủ đơng lam pơrjum Thường trực Chính phủ bè rcăng sơndră kòp Covid-19. Tơnơ\ 5 ngai gùt lơgar ờ hềt geh tai cau bơtờp kòp Covid-19, Thủ tướng ồng Nguyễn Xuân Phúc đơs, uă tiah neh krà` cê jơh nùs rcăng sơndră kòp jăt jơnau sồr bơh Chính phủ dê den tàng bơta kòp gam geh gròi sền niam rlau.

Mpồl đơng lam Dà lơgar bè rcăng sơndră kòp neh hòi jà bơtòm tơrgùm geh cồng nha bồ tơngoh jak bơh ală cau mờng chài dê ai tơlik uă gùng dà broă lơh, sồr lơh uă broă lơh mờ Chính phủ nàng bơsong di tu\ uă broă loh làng. Gơ wèt mờ mpồl càr geh pơhìn, Thủ tướng pà gi\t, tu\ do neh gơmù uă, mìng gam pơgăp bơh 5 tus 6 càr lơm.

Thủ tướng sồr Mpồl đơng lam yal mờ Thủ tướng Chính phủ in tàm dơ\ pơrjum ngai hìng 22/4 geh bơta tam cah ală tiah jăt ală kấp độ gam ngui. Thủ tướng jờng rơ Bộ Giáo dục mờ Đào tạo geh bơta bơto pơlam ai ală tiah in bơyai lơh lòt bơsram wơl pal ờdo ờdă mờ sồr Bộ rcăng gùng dà yal bè broă rơndăp lơh pơrlòng jơh bơsram kấp pe dà lơgar tơngai tus.

Cau mblàng Lơ Mu K’Yến