VOV4.K’ho- Tàm pơrjum pờ tơlik tơn tàm internet gùt lơgar bè ală gùng dà broă lơh jal mhar tă bơsong kal ke ai lơh sa kă bro in, dong kờl ai càn priă bơcri dà lơgar, gàr niam rài kis mpồl bơtiàn mờ rơndăp tăp sèng ờdo ờdă gùt mpồl bơtiàn sơndră wơl mờ bơta gơrềng bơh kòp Covid-19 dê geh lơh tàm drim ngai 10/4, ồng Nguyễn Xuân Phúc Thủ tướng Chính phủ đơs nền, sơlơ kal ke den sơlơ pal gơdờp mờ tam gơl pa pràn kơldang nàng ai rài lơh sa bơtàu tơnguh mhar tơn tơnơ\ tơngai gơbàn kòp dờng Covid-19 lòt gan.

Thủ tướng Nguyễn Xuân Phúc đơs pơndu\t dơ\ pơrjum

Thủ tướng tơngkah bè bơcri priă làng bol geh gơnoar broă kuơmàng tàm tu\ tơngai tu\ do. Pal geh ală bơta tam gơl uă rlau, tơnguh uă bơta pràn jak tàm pơrlòng nàng wa\ rò bơcri priă gùng dà tam gơl bơcri priă tus ală lơgar tiah đah măt tơngai lik châu Á, tiah đah jum măt tơngai lik châu Á tàm tơngai tus.

Đảng, Dà lơgar, ală kấp neh lời pơgăp 62 rbô tơmàn đong nàng dong kờl ai làng bol ờ geh broă lơh, kal ke in, Thủ tướng tơngkah ală tiah lơh niam, pal di cau, dong kờl pal geh broă rơndăp lơh, gùng dà gàr niam lơngăp lơngai rơndăp tăp sèng, kuơmàng là tung kơ`au, cau lơh tìs glài ku\p màng, cau lơh tìs gơbàn tài bơh ờ geh broă lơh, tìs sơmờm tu\ tơngai, tơnguh priă kă bro, ală mpồl cau sơmờm broă kòp nàng tam dră lơh aniai dà lơgar…

Cau mblàng Lơ Mu K’Yến