VOV4.K’ho- Pơndu\t dơ\ pơrjum Thường trực Chính phủ bè broă lơh rcăng sơndră kòp Covid-19 mho ngai 22/4, ồng Nguyễn Xuân Phúc Thủ tướng Chính phủ đơs sùm, cồng nha tam dră mờ kòp là pal chờ hờp ngan mơya ba` sền ờ sơ\p, ờ rơcăng ngăc mờ kuơmàng là pal gi\t dùl nùs nhơm bè ờs pa, pal kis tàm rài kis geh kòp.

Tàm dơ\ pơrjum, Mpồl đơng lam rcăng sơndră kòp sồr cih măt ală tiah gơ wèt ală mpồl pơhìn. Bè, mpồl pơhìn uă geh Hà Nội; mpồl pơhìn geh: [òn dờng Hồ Chí Minh, càr Bắc Ninh, Hà Giang; mpồl pơhìn dùl êt geh 59 tiah gam wơl. Jăt tàm ală jơnau đơs mblàng sền bơh ală kuang bàng tus pơrjum dê, Thủ tướng ring bal mờ gùng dà broă lơh, là ờ hềt ngui pơhìn uă gơ wèt mờ jơh gùt Hà Nội mờ mìng bàr pe tiah bơh Hà Nội dê lơm, bè Mê Linh, Thường Tín. Bal mờ Hà Nội, dùl kơnhoàl bơh càr Hà Giang dê tiah geh cau kòp gơ wèt mpồl pơhìn uă, ai ală quận, kơnhoàl ndai gơ wèt mpồl geh pơhìn.

Thủ tướng sồr, ală kơnhoàl geh pơhìn uă pal lơh jăt niam Chỉ thị sồ 16 bơh Thủ tướng Chính phủ dê tus ngai 30/4. Gơ wèt mờ ală tiah ndai, bal mờ broă rcăng sơndră kòp niam den pal ai tơl bơta ai lơh sa kă bro, rài kis bơh làng bol dê in.

Cau mblàng Lơ Mu K’Yến