VOV4.K’ho - Di tơnkah 65 nam ngai cau lơh sơnơm Việt Nam (27/2), Thủ tướng ồng Nguyễn Xuân Phúc neh tus pơrjum tơnkah mờ pơn jờng ală cau lơh sơnơm, kuang bàng gah lơh sơnơm pơgồp bal tàm broă drơng, sền gàr bơta pràn kơl dang să jan làng bol, pơn jờng cau ngăc ngar geh pơnrơ jăk neh geh uă broă pơgồp bal ai hìu bơsram Đại học Y Hà Nội.

Thủ tướng ồng Nguyễn Xuân Phúc pà, pà wơl kỉ niệm chương ai ală cau ngăc ngar jăk chài neh pơgồp bal dờng màng ngan tàm gah lơh sơnơm lơgar Việt Nam dê

Thủ tướng đơs, kơnòl mhar tềng đăp măt bơh cau pơgru mờ cau bơsram tàm hìu bơsram Đại học Y Hà Nội là bal mờ gah lơh sơnơm, ală cấp, ală gah lơh broă pơn jăt tai rơcang mờ lơh ngan, lơh jăt ală broă sơndră mờ kòp Covid-19.

Thủ tướng sồr ală hìu bơsram bơto gah lơh sơnơm pal ai bơta niam bơto lài ngan. Pơn jăt tai lơh ngan sơrlèt mờ kal ke, tam gơl pa, bơceh pa, lơh tòm tàm broă lơh, lơh gơs jăk chài broă bơto cau lơh broă gah lơh sơnơm, drơng gàr bơta pràn kơl dang làng bol in.

Cau mblàng Ndong Brawl