VOV4.K’ho- Mho òr (14/4), Pơrjum kuang bàng dờng màng pờ tơn tàm internet kuơ màng ASEAN+3 bè rcang sơn dră kòp Covid-19 neh geh lơh. Tàm gơnoar broă là Chủ tịch ASEAN, Thủ tướng Chính phủ ồng Nguyễn Xuân Phúc đơng lam Pơrjum mờ bơta tus bal bơh kuang đơng lam bồ 10 lơgar tàm mpồl ASEAN, Lo, Nhờk mờ Hàn Quốc.

Đơs tàm dơ\ pơrjum, Thủ tướng Chính phủ Nguyễn Xuân Phúc đơs ngan bơta tam klăc bal, tàm dong kờl bal mờ gơ\p đah ală lơgar là bơta tờm lơh geh cồng nha nàng ală lơgar in sơr lèt gan tu\ tơngai kal ke do. Thủ tướng Chính phủ yal tơng^t bơta mờng chài mờ cồng nha bơh sơn rờp mờ lơgar Việt Nam lơh geh tàm broă sền gròi kòp mờ sền gàr rài kis làng bol dê.

Tơn jơh pơrjum, ală kuang đơng lam bồ ai jơnau yal bơr bal bơh dơ\ Pơrjum kuang bàng dờng màng kuơ màng ASEAN+3 dê bè kòp Covid-19. Ală kuang bàng jờng rơ lơgar Việt Nam neh lơh ngan, rcang lài bơyai lơh geh cồng nha pơrjum dơ\ do, tă pơgồp ngan ngồn tàm broă tam dră bal mờ kòp Covid-19 bơh tàm tiah do mờ tàm mpồl bơtìan dunia.

Cau mblàng K’ Hạnh