VOV4.K’ho - Tàm càr Cà Mau, Thủ tướng ồng Nguyễn Xuân Phúc pa geh dơ\ lơh broă mờ kuang bàng đơng lam tòm càr Cà Mau.

                                   Thủ tướng ồng Nguyễn Xuân Phúc geh jơnau đơng lam tàm pơrjum 

Thủ tướng ồng Nguyễn Xuân Phúc đơs, bu\ lah là càr gơwèt tiah ngài, mơya kuang bàng đơng lam càr neh lơh ngan tàm broă đơng lam, lam sồr, dong kờl broă lơh sa tam gơl niam, tơnguh geh ală bơta pràn là ròng kati, tam brê, lơh sa mờ măi mo\k lơh gơs phan mờ tơnguh bơtàu broă drơng ala.

Broă lơh sa mpồl bơtiàn tơnguh bơtàu, tàm hơ\ uă ngan là bè gùng lòt tàm [òn. Rài kis làng bol geh tơnguh loh làng. Cà Mau là dùl tàm ală càr lam lài gùt lơgar bè broă ròng kati, pơgồp kuơ màng tàm broă tăc kati mờ lơgar bơdìh gùt lơgar dê.

Đơs niam bè ală gùng dà broă lơh dờng tàm broă tơnguh bơtàu tơngai tus, Thủ tướng sồr càr Cà Mau pal lơh jăk rơndăp broă tơnguh bơtàu 5 nam, tàm hơ\ uă ngan là kơnòl bơcri priă tơnguh bơtàu, rơwah gah geh ai lài bơcri priă, geh khà măt mờ tơngu me rơndăp broă loh làng kờ` hòi jà bơcri priă.

Lam sồr gùng dà tơnguh bơtàu ai càr Cà Mau in, Thủ tướng ồng Nguyễn Xuân Phúc đơs là, broă lơh kuơ màng là pal tơrgùm tàm ală broă tòm, hơ\ là lơh sa suơn sre công nghệ cao, kuơ màng là tơnguh bơtàu ròng phan tàm dà.

      Cau mblàng Ndong Brawl