VOV4K’ho – Tàm Hìu lơh broă Chính phủ, Thủ tướng Nguyễn Xuân Phúc neh đơng lam dơ\ pơrjum nàng bơsong ală kòl yan, chồl mhar tơngai lam lơh rơndap broă lơh gùng rơndeh ntoat rat Trung Lương - Mỹ Thuận. Tơ nơ\ tu\ iat ală jơnau đơs bè broă lam lơh rơndap broă, ală kòl yan kung bè broă lơh bơsong, Thủ tướng đơs tờm bơta kuơ bè lơh sa, chính trị bơh gơl gùng do dê tu\ mờ tiah ring dà dờng Cửu Long, là tiah lơh sa kuơ màng geh 13 càr mờ rlau 20 tơlak nă làng bol mìng geh dùl gơl gùng lơm.

Thủ tướng jàu Bộ Giao thông vận tải in đơng lam mờ ală bộ geh gơ rềng kơ lôi sơ nơng dùl gơl gùng rơndeh ồs ntoat rat tàm tiah ring dà dờng Cửu Long. Bè gơl gùng rơndeh ntoat rat Trung Lương - Mỹ Thuận, Thủ tướng sồr càr Tiền Giang pal dờp kơ nòl mờ Chính phủ, ală càr tiah ring dà dờng Cửu Long bè bơcri priă lơh gơl gùng rơndeh ntoat rat do.

Tiền Giang mờ ală anih lơh broă geh gơ noar pal lam lơh rơndap broă mờ jơnau đơs di mờ tơngai pơrgon, lơh niam, geh cồng nha; ờ sa kuề sa kùa, ờ lơh broă ờ niam; loh làng, song dơpă…

Cau mblànG K’Duẩn