VOV4.K’ho - Tàm anih bồ pờ tơl^k tơn tàm internet tàm Hà Nội, Thủ tướng ồng Nguyễn Xuân Phúc, Chủ tịch mpồl ASEAN neh đơs mu\t pơrjum dờng geh pờ tơl^k tơn tàm internet mpồl ASEAN bè broă rơcang sơndră mờ kòp Covid-19.

Đơs tàm dơ\ mu\t pơrjum, Thủ tướng ồng Nguyễn Xuân Phúc hòi jà ală lơgar tàm mpồl ASEAN tam klăc bal mờ lơh ngan rơlao tai tàm broă lơh mờ tàm nùs nhơm “Pơgồp bal mờ rơcang gơdờp bal” kờ` rơcang sơndră mờ kòp Covid-19.

Thủ tướng đơs là, pơrjum dơ\ do geh kuơ màng ngan tàm tu\ kòp Covid-19 ngòt rơngơ\t gam gơtòp tàm gùt tiah mờ gùt plai ù. Jơh ală lơgar tàm mpồl ASEAN kung gam pal lơh ngan tàm broă rơcang sơndră mờ kòp Covid-19, broă gơrềng bal ờ niam tus mờ rài kis bơh ală làng bol, broă lơh sa mpồl bơtiàn, tàm hơ\ uă ngan là tàm tiah geh broă drơng ala priă geh 30% tàm khà GDP mpồl ASEAN dê, tơlòng mờ bơta ring niam bal mờ rài kis broă lơh sa mpồl bơtiàn.

Tơnơ\ jơnau đơs mu\t pơrjum, Phó Thủ tướng, Bộ trưởng Ngoại giao lơgar Việt Nam ồng Phạm Bình Minh, Chủ tịch mpồl duh broă đơng lam ASEAN (ACC) yal jơnau yal bè ală broă lơh ngan bơh mpồl ASEAN dê tàm broă rơcang sơndră mờ kòp Covid-19 mờ lam sồr gùng dà broă lơh bal tàm tơngai tus yal tus ală kuang bàng đơng lam mpồl ASEAN in.

Cau mblàng Ndong Brawl