VOV4.K’ho- Drim do 4/4, Bộ Y tế  yal, geh tai 2 nă cau bơtờp kòp pa Covid 19 tàm lơgar Việt Nam, tàm hơ\ geh tai 1 nă cau gơ rềng tus tiah kòp tàm Hìu sơnơm Bạch Mai, tơnguh jơh khà cau bơtờp kòp tàm lơgar he dê gơguh tus 239 nă cau.

Thủ tướng Nguyễn Xuân Phúc đơs tàm dơ\ pơrjum

Đơs tàm dơ\ pơrjum Thường trực Chính phủ mho òr 3/4, Thủ tướng Nguyễn Xuân Phúc đơs ngan, ờ lơh tơrmù nùs nhơm đơng lam tàm Chỉ thị sồ 16 bơh Thủ tướng Chính phủ dê mờ pal pơn jat tai lơh jat niam. Đơs niam ngan ală  tiah neh lơh jat niam Chỉ thị sồ 16 bơh Thủ tướng dê, mơya Thủ tướng kung pà g^t tai, bàr pe tiah kung gam ờ hềt g^t wă di pal mờ jơnau sồr den gơlam tus lơh jat ờ di. Nùs nhơm là pal lơh jat krà` cê jơh nùs broă ơm yah tam cah is gùt mpồl bơtìan, ba` lơh lơyaì mờ ba` kơlôi gơ aniai tus broă lơh sa. Jơnau kờ` ai tơlik là ờ lời gơbàn kòp bơtờp uă, gơrề bơtờp tàm mpồl bơtìan tàm khà uă digơlan gơlam tus ờ geh cồng nha tàm broă rcang sơn dră mờ sơm kòp.

Kung tàm ngai òr 3/ 4, Văn Phòng Chính phủ neh geh sră nggal pơlam lơh jat Chỉ thị sồ 16 bơh Thủ tướng Chính phủ dê bè rcang sơn dră kòp Covid 19. Thủ tướng đơs wơl tai jơnau sồr ală tiah in, ngan là tàm ală [òn dờng dờng pal pơn jat tai gàr niam broă prap ơn, ai tơl khà phan bơna kuơ màng nàng drơng broă làng bol in, kơryan ờ tơnguh priă tăc, gàr niam lơngap lơngai ờ do ờ dă tàm tơl bơta gơlik geh.

Cau mblàng K’ Hạnh