VOV4.K’ho - Drim òr (26/8), tàm Hà Nội, Thủ tướng ồng Nguyễn Xuân Phúc, kuang atbồ Tiểu ban Kinh tế - Xã hội rơcang pơrjum dờng Đảng dơ\ 13 đơn lam pơrjum pơgồp jơnau đơs ală kuang bàng là kuang đơng lam Đảng, Dà lơgar, Mặt trận dà lơgar Việt Nam lài do tàm ală rơndăp broă lơh sră nggal.

                                     Pơrjum tiểu ban Kinh tế - Xã hội rơcang pơrjum dờng Đảng dơ\ 13

Đơs pràn tus mờ broă lơh sră nggal pơrjum dờng là broă pơgồp bal bơta ngăc ngar, bơta geh, bơta pràn bơh Đảng, Dà lơgar bal mờ làng bol he, Thủ tướng đơs là, pal rơwah ală jơmnau pơgồp bal niam, ngăc ngar ngan bơh ală cấp, gah lơh broă, làng bol, ală cau lơh broă kơlôi sơnơng, cau jăk chài…, kuơ màng là jơnau pơgồp bal bơh ală kuang bàng đơng lam Đảng, Dà lơgar, Mặt trận dà lơgar Việt Nam lài do kờ` pơn jăt tai lơh gơs rơndăp sră nggal.

                                      Thủ tướng ồng Nguyễn Xuân Phúc đơs tàm pơrjum

Đơs tàm pơrjum, Thủ tướng kơ\p kờ` tàm pơrjum do, Tiểu ban geh iăt ală jơnau pơgồp bal jơh nùs tàm broă tơnguh bơtàu lơh sa mpồl bơtiàn 10 nam bơh nam 2021 tus nam 2030 mờ gùng dà tơnguh bơtàu lơh sa mpồl bơtiàn 5 nam bơh nam 2021 tus 2025.

Thủ tướng đơs tòm, do là ală jơnau pơgồp bal kuơ màng ngan, tài ală kuang bàng đơng lam lài do là ală cau geh broă mờng chài tàm broă đơng lam, atbồ, lam sồr broă Đảng, Dà lơgar; sùm ờ su\k ơm tềng đăp mờ ală broă dờng bơh dà lơgar, ală kal ke bơh làng bol dê. Tiểu ban pal bơ\t bơtàu rơndăp broă sră nggal mờ nùs nhơm Đảng geh dờp, làng bol chờ hờp, dunia đơs niam.

Cau mblàng Ndong Brawl