VOV4.K’ho – Kung tàm càr lơgar Seoul sơl, drim 28/11, Thủ tướng Nguyễn Xuân Phúc neh geh dơ\ lơh broă mờ rlau 20 mpồl lơh sa kă bro khà dùl lơgar Hàn Quốc tàm ua\ gah broă lơh. Thủ tướng kơp kờ` ală mpồl lơh sa kă bro lơgar Hàn Quốc lơh gơlik tai dùl cồng nha pa tàm bơcri pria\ tàm lơgar Việt Nam, pơgồp bơnah tơnguh pria\ lơh geh đah kă bro bơh 2 lơgar dê geh 100 tơmàn dolar Mỹ tàm nam 2020 mờ digơlan ua\ rlau tai.

Đơs tàm dơ\ cribơyai, Thủ tướng lơgar Hàn Quốc lài do, ồng Han Duck Soo pà git, Hàn Quốc mờ Việt Nam ndrờm là ală lơgar geh khà pờ rài lơh sa ua\, broă lơh niam. Kuang đơng lam bồ ală tập đoàn dờng lơgar Hàn Quốc dê đơs, tàm broă lơh wèt hờ tiah đah jum pa bơh Kuang atbồ lơgar Hàn Quốc dê, Việt Nam là lơgar kuơmàng ngan.

Ală gah broă lơh mờ ală cau bơcri pria\ kơp kờ` pơn jat tai rề ơnàng bơcri pria\ là tac phan rah rài; lơh broă bal mờ mpồl lơh sa kă bro Việt Nam nàng tac phan bơna bơh lơgar Việt Nam dê hờ lơgar ndai; bơcri lơh sa mờ ma\i mok lơh rơndeh dờng, ngan là lơh sa mờ ma\i mok dong kờl; lơh sa suơn sre ngui công nghệ cao; điện khí mờ công nghệ cao sền gàr tiah ơm kis; tus bal blơi cổ phần bơh ală ngân hàng Việt Nam dê.

Cau mblàng K’Duẩn