VOV4.K’ho- Mho òr (23/8), tàm dơ\ lòt còp ngan ngồn tus lơgar Việt Nam, ồng Scott Morrison, Thủ tướng lơgar Australia mờ Thủ tướng Chính phủ, ồng Nguyễn Xuân Phúc neh lòt còp hìu sơnơm lơh broă làm bă tiah kấp 2, sồ 2 bơh ling klàng làng bol Việt Nam dê tàm Học viện Quân y. Đơs tơnơ\ tu\ lòt còp hìu sơnơm lơh broă làm bă tiah, ồng Scott Morrison đơs ngan, Australia mờ Việt Nam tàm 21 nam do neh chồl pràn lơh broă bal tàm gah sền gàr dà lơgar ngai sơlơ kơ\ kơljap.

Ồng Scott Morrison kơp kờ` sơlơ tơnguh rlau tai broă lơh tam klac bal sền gàr dà lơgar tàm uă gah mờ lơgar he, pơn yơu bè sền gàr lơngap lơngai dà lềng, dră wơl bol sò tơm iơh bơsak, bơ to bơtê mờ bơsram. Ồng Scott Morrison hơ pơrgon, geh pơn jat tai dong kờl mờ ngan ngồn lơh nền, ai rơndeh par pơndiang phan kuơ màng nàng pơndiang ntrờ` dong kờl hìu sơnơm lơh broă làm bă tiah kấp 2, sồ 2 bơh lơgar Việt Nam dê tàm lồi nam do.

Cau mblàng K’Duẩn