VOV4.K’ho – Drim ngai 12/3, tàm hìu lơh broă Chính phủ, Thủ tướng Nguyễn Xuân Phúc lơh broă mờ ua\ kuang đơng lam bồ tập đoàn dờng, ua\ ngan là kuang đơng lam bồ ală tập đoàn dùl nă să is. Thủ tướng đơs nền, jơi bơtìan Việt Nam là jơi bơtìan khin cha jak chài, sùm sơr lèt gan ală kal ke, bòl glar, den tàng tàm tu\ tơngai kòp Covid-19 bơ tờp ua\ tàm gùt plai ù, lơh sa dà lơgar, lơh sa dùl nă să is mờ ală gah lơh sa ndai pal tam klac bal, bal mờ gơp sơr lèt gan kal ke.

Bè broă sền gròi kòp bơ tờp, Thủ tướng pà git, Chính phủ neh đơng lam, sồr lơh ală hìu sơnơm ing bal mờ hìu sơnơm gùt lơgar geh tơl ală phan bơna, ma\i mok sền gròi, sơm kòp. Kuơmàng, broă lơh tam cah is geh lơh nền nòn, broă lơh dong kờl, gròi sền gơ wèt tus mờ ală cau geh tam cah is, geh sền gròi sơnơm tơba, sàu sa tơl niam mờ sền gròi niam bè nùs nhơm. Chính phủ neh đơng lam ală bộ, gah broă lơh, ală tiah, tập đoàn, tổng kong ti tac tơl phan bơna tàm drà kă bro, dong làng bol iang nùs. Thủ tướng kung sồr Bộ Y tế ngui tơl broă lơh nàng sơm ală cau pa bơ tờp kòp Covid-19 mờ ba` lời cau lơi gơtìp chơt să.

Cau mblàng K’Duẩn