VOV4.K’ho – Drim òr 8/8, tàm Hà Nội, Thủ tướng Chính phủ, ồng Nguyễn Xuân Phúc lơh broă mờ Bộ Quốc phòng bè broă lơh atbồ, ngui ù gah sền gàr dà lơgar dê tàm broă lơh sa, bơt bơtàu lơh sa gơ jat bal mờ lam lơh kơ nòl ling klàng, sền gàr dà lơgar. Thủ tướng jờng rơ bơta lơh ngan, bơta jơh nùs bơh Bộ Quốc phòng dê tàm broă atbồ, ngui ù gah sền gàr dà lơgar dê tàm jơnau kờ` lơh sa, bơt bơtàu lơh sa gơ jat bal mờ kơ nòl ling klàng, sền gàr dà lơgar.

Tơngai tus, Quân ủy dà lơgar, Bộ Quốc phòng pal cih dờp ală jơnau đơs, kơ lôi sơ nơng, tơnguh cồng nha ngui ù sền gàr dà lơgar tàm kơ nòl sền gàr dà lơgar mờ kơ nòl bơt bơtàu, bơtàu tơnguh dà lơgar. Tơn jơh, ai wơl ală sră pơrgon neh jơh tơngai lơh jat, lơh tìs, ờ lơh geh cồng nha; atbồ krà` cê, gàr kơ\ ală bơta gơlik geh bơta ling klàng dê, ờ lời ală mpồl sò tơm sơ mờm nàng lơh aniai.

Cau mblàng K’Duẩn