VOV4.K’ho – Mho ngai 26/2, tàm hìu lơh broă Chính phủ, Thủ tướng Nguyễn Xuân Phúc neh đơng lam bal mờ kuang đơng lam bồ ală bộ, gah broă lơh lơh broă mờ kuang đơng lam bồ tờm ngan càr Bạc Liêu dê bè broă lam lơh kơ nòl lơh sa mpồl bơtìan tơngai lài. Jat jơnau yal càr dê, nam lài, Bạc liêu neh lơh gơs 20 tàm 20 jơnau kờ` bơtàu tơnguh lơh sa mpồl bơtìan, pria\ lơh geh kờp bal tàm dùl nă cau geh rlau 51 tơlak đông tàm 1 nam, tă dia geh rlau 3 rbô 500 tơmàn đông.

Nam do, Bạc Liêu lơh ngan lơh gơs jơnau kờ` bơt bơtàu [òn lơgar pa. Bè kơnòl tàm tơngai tus, Thủ tướng sồr Bạc Liêu tơr gùm tàm ală Nghị quyết sồ 1 mờ Nghị quyết sồ 2 bơh Chính phủ dê, geh broă lơh geh cồng nha; lơh jat ală jơnau kờ` broă rơndap lơh nam do dê, dùl nam gơtìp ua\ ngan kal ke, ngan là kòp Covid-19. Cồng nha lam lơh kơ nòl broă bơh ală tiah dê là kưmàng ngan nàng tă pơgồp tàm broă Chính phủ lơh ngan lam lơh ală jơnau kờ` bơh nam do dê.

Cau mblàng K’Duẩn