VOV4.K’ho – Tơnơ\ tu\ tus bal pơrjum hòi jà bơcri priă càr Lạng Sơn, mho òr (01/10) Thủ tướng Nguyễn Xuân Phúc lơh broă mờ kuang đơng lam bồ tờm ngan càr Lạng Sơn dê bè broă lơh sa – mpồl bơtìan. 

                                         Thủ tướng Nguyễn Xuân Phúc đơs tàm dơ\ lơh broă

Tàm dơ\ lơh broă, Thủ tướng neh geh jơnau đơs bơsong 2, 3 jơnau đơs, jơnau dan bơh càr dê, tàm hơ\ geh broă lơh gơs phan bơna. Nàng lơh gơs gơl gùng rơndeh ntoat rat bơh Chi Lăng tus Hữu Nghị, Thủ tướng jàu Bộ Kế hoạch mờ Đầu tư in kơlôi sơnơng ală broă rơndap lơh nàng mhar yal mờ Thủ tướng in geh kơrnuat.

Mờ broă rơndap lơh jơnau sồr pa, tềng đap mat mìng lơh 43 kơi sồ gùng rơndeh ntoat rat bơh Chi Lăng tus Hữu Nghị bal mờ 2 bơnàng gùng, mơya geh ai ù ndrờm mờ 4 bơnàng gùng nàng bơcri lơh tơnơ\, broă rơndap lơh do geh dong tơmù priă bơcri gam mờr 5 rbô tơmàn priă.

Thủ tướng kung sồr càr Lạng Sơn pal lơh ngan atbồ niam ală mpồng nhàr dà lơgar mờ lơgar Lo, ai geh bơta [uơn nàng phan bơna bơh 2 lơgar geh lik mờ mut mhar ngan rlau jơh, nàng kờ` chồl pràn broă tac phan bơna bơh Việt Nam tus lơgar Lo. Bulah bè hơ\, ală mpồl lơh broă geh gơnoar kung pal sơlơ sền gròi nàng rơcang sơndră bơta blac pơr lồm anih lơh gơlik phan kă bro mờ rơcang sơndră broă pơndiang, blac pơr lồm kă bro nàng pồn tă dia.

Cau mblàng K’Duẩn