VOV4.K’ho- Văn phòng Chính phủ pa yal jơnau đơs pơn du\t bơh Thủ tướng Chính phủ ồng Nguyễn Xuân Phúc dê tàm dơ\ pơrjum pờ tơn tàm internet bơh Chính phủ mờ ală tiah bè ală kơnòl broă, gùng dà broă lơh sơr băc mhar nàng tă bơsong kal ke ai broă lơh sa, kă bro in, sơlơ tơnguh broă ai càn priă bơcri priă dà lơgar, gàr tơl niam rài kis mpồl bơtìan, ờ do ờ dă mpồl bơtìan rcang sơn dră mờ kòp dờng Covid-19.

Thủ tướng Chính phủ jàu  Bộ Kế hoạch mờ Đầu tư in đơng lam, pơgồp bal mờ ală Bộ, anih lơh broă geh gơ rềng; mhar bơt bơtàu ală broă lơh, gùng dà broă lơh, broă rơndap lơh lơh niam wơl bè ờs mờ bơtàu tơnguh lơh sa- mpồl bơtìan tơnơ\ tu\ jơh kòp. Geh broă rơndap lơh bơyai lơh, lòt sền, sồr lơh mhar broă lơh pràn lơh sa, lơh uă lila, rề ơnàng drà kă bro dunia, lơh pràn bơcri priă mpồl bơtìan; jòi mờ bơtàu tơnguh drà kă bro tàm lơgar, tơnguh khà blơi phan ngui sa tàm lơgar.

Geh broă rơndap lơh di tu\ blơi phan bơh lơgar ndai ai broă lơh sa in, sơlơ tơnguh lơh gơlik phan sa, phan ngui, phan ngui sa; sền gròi niam drà kă bro, khà priă tăc, ngan là gah phan bơna poăc sur mờ ală phan bơna kuơ màng, ờ lời jơnau sơmờm jòi sa, prap phan ờ tăc, tơnguh khà priă tăc.

Cau mblàng K’ Hạnh