VOV4.K’ho –Drim do, 14/4, tàm Hà Nội, Thủ tướng Nguyễn Xuân Phúc, Chủ tịch ASEAN mờ Chủ tịch ASEAN +3 đơng lam pơrjum kuang bàng dờng màng ASEAN dờng màng bè kòp Covid-19 mờ mho do geh đơng lam Pơrjum kuang bàng dờng màng ASEAN+3 kuơ màng bè kòp Covid-19. Ală pơrjum do drờm geh lơh mờ broă pơrjum pờ tơn tàm internet.

Pơrjum Kuang bàng dờng màng ASEAN kuơ màng bè kòp Covid-19 geh bơta tus bal bơh 10 nă kuang đơng lam bồ ală lơgar ASEAN mờ Tổng Thư ký ASEAN; Pơrjum kuang bàng dờng màng ASEAN+3  kuơ màng bè kòp Covid-19 geh bơta tus bal bơh 10 nă kuang đơng lam bồ ală lơgar ASEAN, kuang đơng lam bồ ală lơgar: Lo, Nhờk mờ Hàn Quốc, Tổng Thư ký ASEAN, Tổng Giám đốc Mpồl lơh sơnơm dunia ( là năc jà tus bal pơrjum). Digơlan tu\ jơh ală pơrjum kuang bàng dờng màng ASEAN mờ ASEAN +3, ală kuang đơng lam bồ geh ring bal 2 jơnau yal bơr bal, đơs ngan jơnau hơ pơr gon chính trị tàm broă rcang sơn dră kòp Covid-19.

Cau mblàng K’ Hạnh