VOV4.K’ho-Mho òr (22/7), tàm hìu lơh broă Chính phủ, Thủ tướng Nguyễn Xuân Phúc đơng lam pơrjum pờ tơn tàm internet gùt lơgar sền wơl broă gàr niam ờ do ờ dă gùng lòt quý 2 mờ gùng dà broă lơh, kơnòl broă quý 3 nam 2019. Jat jơnau yal bơh Ủy ban Ờ do ờ dă gùng lòt dà lơgar, gùl nam do gùt lơgar neh gơlik geh 8 rơbô 400 dơ\ rềs àr gùng lòt, lơh chơ\t 3 rơbô 810 nă cau, sồt să 6 rơbô 358 nă cau.

Tàm dơ\ pơrjum, kuang đơng lam bồ ală tiah đơs là, bơdìh mờ nùs nhơm lơh jat bơh cau lòt tàm gùng dê ờ hềt uă den jơnau mpồl lơh broă lơh gùng lòt kung ờ hềt niam sơl, tàm hơ\ geh broă crăp k[àng yal tơng^t jơnau ntoat nhar, tàm pà gùng lòt, sền g^t ală tiah gùng tàm cah…, phan bơna gùng lòt ờ hềt lơh jat di mờ jơnau kờ`, lơh gơbàn jơnau gơkòl gùng, ngan là tàm ală tiah drà dờng. Thủ tướng đơs loh, tàm broă gàr niam ờ do ờ dă gùng lòt den broă sền gàr màng kis bơh kòn bơnus dê là kuơ màng ngan rlau jơh.

Đơs tus bơta mờng chài bơh ală lơgar dê, Thủ tướng đơs ngan tus broă tơnguh cồng nha mblàng yal mờ yal tơng^t uă, bơto bơtê adat boh lam bè ờ do ờ dă gùng lòt, tàm hơ\, pal sền ngăc tus broă bơto bơtê tàm hìu bơsram ai ală kơnòm bơsram in. Thủ tướng Nguyễn Xuân Phúc kung sồr, kảnh sát gùng lòt mờ ală anih lơh broă geh gơnoar pal lơh ngan jơh nùs đơs ờ mờ broă ờ niam, bơta kuơ mpồl dê tàm broă gàr niam ờ do ờ dă gùng lòt, lơh glài krà` jơnau cau lơh tìs.

Cau mblàng K’ Hạnh