VOV4.K’ho – Di wă rò sơnam pa Canh Tý nam 2020, Thủ tướng Nguyễn Xuân Phúc neh lòt sền broă lơh ơm gak, rơcang lài tam lơh mờ nting sap sa tềp mpồl Cảnh sát cơ động. Thủ tướng pơyua tus jơh gùt kuang đơng lam bồ, kuang bàng, cau ling bơh mpồl Cảnh sát cơ động dê jơnau nting sap nam pa gơguh jak pa, jai pha pa. Thủ tướng đơs niam mpồl Kuang àng làng bol neh cribơyai mờ Đảng, Dà lơgar, ai tơlik ua\ gùng dà broă lơh dờng, kuơmàng, jo\ jòng bè kơnòl broă sền gàr lơngap lơngai dà lơgar, sền gàr ring lơngai ờ do ờ dă gùt mpồl bơtìan.

Tàm tơngai tus, Thủ tướng sồr mpồl Cảnh sát cơ động ngai sơlơ pơlam tàp nùs nhơm, tơnguh mờng chài lơh broă. Tềng đap mat, Thủ tướng sồr pal tơr gùm sền gròi ờ do ờ dă ală broă lơh tàm dơ\ sa tềp bơhìan yau Canh Tý nam 2020, ală broă kươmàng gơ rềng tus pơrjum dờng màng ASEAN 2020 geh lơh tàm Việt Nam, pơrjum đảng ală kấp wèt tus pơrjum dờng dơ\ 13 bơh Đảng dê.

Cau mblàng K’Duẩn