VOV4.K’ho – Ngai òr 05/9, Thủ tướng Nguyễn Xuân Phúc neh geh sră pơyua tus làng bol, cau ling mờ ală mpồl lơh broă rơcang sơndră trồ tiah lơh aniai, dong kờl rềs àr ală càr bơh Hà Tĩnh tus Thừa Thiên – Huế gam lơh ngan tam dră mờ mìu dà tih.

Thủ tướng đơs nền: Tơngai tus, trồ tiah lơh aniai digơlan gam gơlik geh kal ke, ờ gơtùi git lài, den tàng, Thủ tướng sồr kấp ủy Đảng, gơnoar atbồ ală kấp, ală mpồl rơcang sơndră trồ tiah lơh aniai mờ gùt làng bol pơn jat tai rơcang lài, lơh niam rlau tai broă lơh rơcang sơndră, bơsong mhar jơnau gơ lời wơl tơnơ\ mìu dà tih, kuơmàng là gàr niam ờ do ờ dă ală kơnòm bơsram in di tu\ sơn đờm mut nam bơsram pa, mơkung rơcang lài ntrờ` làng bol lik bơh tiah ngòt rơngơt, gàr niam rài kis làng bol tiah gơtìp ngơr bam, dà wềl tam cah is in, ờ lời làng bol gơtìp ờ tơl kòi phe sa, sơnơm tơmba, noat, mrềt, lam lơh wàs kloh niam tiah ơm kis, bơt bơtàu wơl broă lơh sa mờ phan bơna tơnơ\ tu\ dà cò gơ hoài soat.

Ala mat Chính phủ, Thủ tướng sồr ală kấp, ală gah broă lơh mờ gùt làng bol pơn jat tai tơnguh nùs nhơm geh kơnòl, tàm kờ` gơboh mờ dong kờl bal mờ gơp.. nàng bal mờ gơp tam dră di tu\, geh cồng nha, bơsong hoàc huơr nàng mhar gàr kơ\ bè ờs wơl rài kis, broă lơh sa bơh làng bol dê.

Cau mblàng K’Duẩn