VOV4.K’ho – Drim òr (04/10), tơnơ\ dơ\ wă rò ngan ngồn yu\ rơyùm tàm Gơlang Chủ tịch, Thủ tướng Chính phủ, ồng Nguyễn Xuân Phúc mờ Thủ tướng lơgar Campuchia, ồng Samdech Techo Hun Sen neh geh dơ\ cribơyai broă bal. 2 Thủ tướng cih dờp ală bơta bơtàu tơnguh niam, ngan ngồn bơh git gơp đah Việt Nam mờ Campuchia dê tàm tơngai lài, ngan là bơtàu tơnguh tàm gah kă bro, nhơl chờ; cribơyai mờ lơh geh jơnau ring bal uă bè gùng dà broă lơh chồl pràn lơh broă bal 2 lơgar tàm tơngai tus.

2 nă kuang đơng lam bồ ring bal bè bơta kuơmàng bơh broă sền gàr ring lơngai, lơngap lơngai, kơ\ kơljap tàm tiah do; đơs nền pơgồp bal jơh nùs nàng kờ` pơn jat tai bơt bơtàu mờ bơtàu tơnguh Mpồl bơtìan ASEAN, gàr kơ\ ală bơta pal jat bơh mpồl ASEAN dê, tơnguh bơta tam klac, brồ guh is mờ tơnguh gơnoar broă lơh tờm bơh ASEAN dê; chồl pràn lơh broă bal tiah 3 mum bơtàu tơnguh Campuchia – Lào – Việt Nam mờ tiah dềt Mekong rề ơnàng. Tơnơ\ dơ\ tìp mat cribơyai broă, 2 Thủ tướng neh sền dơ\ ki\ ală sră nggal lơh broă bal đah 2 lơgar.

Cau mblàng K’Duẩn