VOV4.K’ho – Mang òr (15/8), tàm Hà Nội, geh lơh dơ\ jàu khà jờng “Sră [a\u mờ broă lơh rơcang sơndră sa kuề, sa kùa, hoàc huơr” dơ\ 2 nam 2018 – 2019. Tus bal mờ jàu khà jờng ai ală cau cih [a\u in, Thủ tướng Nguyễn Xuân Phúc đơs niam ală jơnau cih sră [a\u tus bal pơr lòng nam do neh lơh jat nền nòn bơta đơng lam bơh Đảng, bơta atbồ, đơng pơlam bơh Chính phủ dê, yal tơnggit niam, li la bơta  geh ngan  tam gơl pa bơh dà lơgar dê, ngan là broă tam dră jơh nùs ngan rơcang sơndră sa kuề sa kùa, broă ờ niam, hoàc huơr. Ală jơnau cih geh cih jơh nùs ngan, niam ngan, lơh gơs bơta gơ rề uă tàm mpồl bơtiàn.

Nàng broă lơh rơcang sơndră sa kuề sa kùa lơh geh cồng nha niam rlau, Thủ tướng sồr ală anih lơh [a\u tơnguh pràn gơnoar broă bơh sră [a\u dê, sền dờng màng bơta song dơpă, bơta mờng chài tàm broă jòi git mờ ngui, lơh niam jơnau tơnggit bè sa kuề, sa kùa, hoàc huơr. Sền gròi tus broă sền go\ ală bơta ờ niam bè adat boh lam, cơ chế chính sách digơlan lơh gơs bơta [uơn ai bơta sa kuề, sa kùa, broă ờ niam mờ sơ mờm gơnoar broă in. Thủ tướng đơs là, kuơ màng mờ kal ke ngan rlau jơh tàm broă rơcang sơndră sa kuề sa kùa, hoàc huơr là tàm gah nùs nhơm mờ broă lơh đơng lam jơh nùs, broă lơh, den tàng Thủ tướng đơs loh, do là kơ nòl dờng ngan ai tơlik wèt tus mờ anih lơh [a\u mờ ală cau lơh [a\u.

Cau mblàng K’Duẩn