VOV4.K’ho – Drim òr (18/11), tàm Hà Nội, Thủ tướng Chính phủ, ồng Nguyễn Xuân Phúc đơng lam pơrjum sền wơl 5 nam lơh jat Nghị quyết sồ 30 bơh Bộ Chính trị mờ Nghị định sồ 118 bơh Chính phủ dê bè rơndap tap sèng, tam gơl pa mờ bơtàu tơnguh, tơnguh cồng nha lơh broă bơh kong ti lơh sa suơn sre, brê bơnơm dê.

Kờp tus ngai 30/6/2019 neh geh 160 tàm khà 256 kong ti lơh sa suơn sre, brê bơnơm lơh gơs broă rơndap tap sèng tam gơl gơs lơh broă jat jơnau cih bơh adat boh lam dê mờ broă lơh pa. Broă lơh atbồ, ngui ù tiah tàm tu\ rơndap tap sèng bơh sơn rờp geh lơh di mờ jơnau cih bơh adat boh lam dê.

Bă ù kong ti lơh sa suơn sre, brê bơ nơm gàr wơl nàng ngui mờ bă ù jàu [òn lơgar in di mờ jơnau sồr di cau pơgồp bơnah bơsong bơta ờ tơl ù lơh sa, bơsong bơta tam pìttam phà, sơ gràm bè ù tiah. Uă kong ti neh tam gơl niam ngan bè broă bơyai lơh atbồ mờ đơng pơlam mpồl lơh sa kă bro.

Hời rơ hời bơyai broă lơh sa, kă bro gơ jat bal mờ lơh gơlik mờ tac phan lơh gơs; ngui khoa học công nghệ tàm broă bơyai lơh sa, pria\ bơcri geh tơnguh; ua\ bơta ờ niam bè pria\ jền geh bơsong, lơh gơlik bơnàng jă nàng mpồl lơh sa kă bro in tơnơ\ mờ tu\ rơndap tap sèng geh bơtàu tơnguh mờ tơnguh cồng nha lơh broă.

Cau mblàng K’Duẩn