VOV4.K’ho – Drim òr, 26/12, tàm hìu lơh broă Chính phủ, Thủ tướng Nguyễn Xuân Phúc wă Bộ trưởng Ngoại giao lơgar Lào, ồng Saleumxay Komasith gam geh dơ\ lòt còp ngan ngồn lơgar Việt Nam. Thủ tướng sồr ală Bộ, gah broă lơh, ală tiah bơh 2 lơgar dê mhar sền tìs di cồng nha lơh jat broă rơndap lơh nam 2019 mờ Hiệp định lơh broă bal 2 lơgar, tơngai bơh nam 2016 tus nam 2020 kung bè ală jơnau ring bal đah Kuang đơng lam bồ dờng màng bơh 2 lơgar dê; ngan là ring bal broă bơsong ală kòl yan tàm 2, 3 rơndap broă lơh kươmàng; ai tơlik ală tơngume lơh broă bal dờng chul chồl pràn kơldang git gơp lơh broă bal ngai sơlơ geh cồng nha mờ ngan ngồn.

Đơs nền tàm nam tus, Việt Nam at gơnoar broă là Chủ tịch mpồl ASEAN mờ Ủy viên ờ lơh broă sùm Hội đồng Bảo an Liên hợp quốc, Thủ tướng sồr 2 gah sơlơ tàm yal jơnau bal mờ gơp, cribơyai, dong kờl bal mờ gơp, ngan là ală broă sền gàr lơngap lơngai, broă lơh kươmàng jo\ jòng tàm tiah do; pơgồp bơnah sền gàr kơ\ bơta tam klac mờ gơnoar lơh tờm bơh Mpồl ASEAN dê tàm tu\ tơngai ală bơta tàm dunia, tàm tiah do geh ua\ tam gơl.

Cau mblàng K’Duẩn