VOV4K’ho – Mho òr (09/7), tàm hìu lơh broă Chính phủ, wă Bộ trưởng Nội vụ Lào, ồng Khammanh Sounvileuth, Thủ tướng Nguyễn Xuân Phúc đơs ngan, Việt Nam rơcang ai ală cau mờng chài jak tus dong lơgar Lào tàm gah nội vụ.

Thủ tướng đơs loh, 2 lơgar Việt Nam mờ Lào sùm geh bơta tam klac bal oh mi đềt mềr, bơtàu tơnguh git gơp tam klac lơh bơyô kuơ màng, lơh broă bal tàm uă gah.

Thủ tướng kơp kờ` 2 gah sơlơ lơh broă bal, cribơyai ală broă bè chính sách, mpồl cau lơh broă, kòn bơnus nàng jòi geh broă lơh niam ngan rlau jơh tàm broă lam lơh kơnòl broă. 2 Bộ kung kờ` pal cribơyai broă lơh sơlơ lơh broă bal bơto bơtê cau lơh broă.

Chính phủ Việt Nam tu\ lơi kung kờ` mờ dong kờl broă do. Thủ tướng pin dờn 2 Bộ Nội vụ geh sơlơ lơh broă bal jơh nùs, lơh geh cồng nha ngan ngồn, là broă lơh lài nàng đòm jat geh pơn rơ tàm git gơp đah 2 lơgar.

Ờ mìng sơlơ lơh broă bal, ai mpồl kuang bàng ală kấp cribơyai broă, 2 Bộ pal bơto bơtê, mblàng yal kuang bàng, công chức, viên chức in, ngan là cau kơnòm să, git loh bè git gơp tam klac lơh bơyô kuơ màng, tam klac bal đềt mềr đah 2 lơgar.

Cau mblàng K’Duẩn