VOV4.K’ho – Tàm hìu lơh broă Chính phủ, Thủ tướng Nguyễn Xuân Phúc wă Phó Thủ tướng, Bộ trưởng Bộ Kế hoạch mờ Đầu tư lơgar Lào, ồng Sonsay Siphandone. Thủ tướng Nguyễn Xuân Phúc pà git, nam 2019, Việt Nam neh lơh geh ua\ cồng nha tàm ală gah lơh sa – mpồl bơtìan. Tàm hơ\, broă lơh bal mờ lơgar Lào kung geh chồl pràn, bơh sơn rờp lơh jat niam jơnau ring bal đah 2 Bộ Chính trị, 2 Chính phủ.

Phó  Thủ tướng, Bộ trưởng Sonsay Siphandone pin dờn là dơ\ pơrjum mờr tus, 2 gah geh ki\ mờ cribơyai ua\ sră nggal lơh broă bal tàm ală gah kuơmàng; kơp kờ` 2 gah tơr gùm lơh jat ală tơngume lơh broă bal jo\ jòng neh ring bal, 2 Bộ Kế hoạch mờ Đầu tư kung geh gơnoar broă jơh nùs tàm broă do.

Đơs nền, nam 2020 là nam kuơmàng gơ wèt jơh bal mờ 2 lơgar bè lơh broă tàm lơgar mờ lơgar ndai, Thủ tướng Nguyễn Xuân Phúc sồr tơngume tờm tềng đap mat là đơng lam bal pơrjum dơ\ 42 Ủy ban 2 Chính phủ bồ nam 2020; jơh nùs rơcang lài broă rơndap lơh bal ai 5 nam tus in mờ broă lơh tam gơl pa, tơr gùm rlau tai.

Cau mblàng K’Duẩn