VOV4.K’ho- Mho ngai 11/10, tàm Hìu duh broă Chính phủ dê, ồng Nguyễn Xuân Phúc Thủ tướng Chính phủ neh wa\ rò Kuang atbồ dờng Tổ hợp Samsung Việt Nam là ồng Choi Joo Ho. Ồng Choi Joo Ho pà gi\t, bulah broă drà kă bro tàm dunia tu\ do tìp uă kal ke mơya Tổ hợp Samsung kung gam lơh ngan bơtàu tơnguh, lơh geh ală broă jàu gơguh lơh sa nam 2019.

Đơs tàm dơ\ wa\ rò, ồng Nguyễn Xuân Phúc jờng rơ ngan tàm tu\ dunia tam gơl tu\ do, Samsung neh lơh gơs bơta crih crài tu\ gơguh kờp jơh khà bơcri priă, gơguh phan lơh geh, priă geh bơh tăc phan mờ lơgar ndai lơh geh gơguh uă, tă pơgồp uă ngan ai bơtàu tơnguh lơh sa lơgar Việt Nam in. Phan bơna bơh Samsung dê geh bơta tàm pơrlòng uă; đơs nền Chính phủ mờ ală bộ, gah sơnah lơh broă, càr Bắc Ninh sền gròi ngan broă lơh sa, kă bro bơh Tổ hợp Samsung Việt Nam dê; sùm ai tơl bơta [ươn bè sră nggal bơcri priă sơrbac mhar ngan rlau jơh ai Tổ hợp Samsung in.

Cau mblàng Lơ Mu K’Yến