VOV4.K’ho- Drim òr (27/8), Thủ tướng Nguyễn Xuân Phúc đơng lam dơ\ bơyai lơh wa\ rò Thủ tướng Malaysia lòt còp ngan ngồn Việt Nam tàm 3 ngai bơh ngai 26 tus 28 nhai 8 do. Tơnơ\ dơ\ bơyai lơh wa\ rò ngan ngồn, bàr nă Thủ tướng lam bồ mpồl kuang bàng dờng màng 2 lơgar dê mu\t cribơyai, bơyai bè ală broă lơh dong lơh tơnguh bơta gi\t gơ\p 2 lơgar mờ ală broă dunia, tàm tiah do mờ 2 lơgar ndrờm sền gròi bal.

Thủ tướng Malaysia ồng Mohamad sền dờng màng ngan bơta gi\t gơ\p mờ Việt Nam tài bơh Việt Nam tàm dùl tàm ală cau lơh broă bal lơh sa kuơmàng bơh Malaysia dê. Jat tơrgùm kờp, Malaysia tu\ do là cau lơh broă bal kă bro dờng dơ\ 11 bơh Việt Nam dê mờ Việt Nam là cau lơh broă bal kă bro dờng dơ\ 13 bơh Malaysia dê. Do là dơ\ lòt còp ngan ngồn bơh sơnrờp bơh Thủ tướng Mohamad dê kờp bơh tu\ guh at gơnoar broă tàm nhai 5 nam 2018 lài do.

Cau mblàng Lơ Mu K’Yến