VOV4.K’ho – Tàm hìu lơh broă Chính phủ, Thủ tướng Nguyễn Xuân Phúc geh dơ\ lơh broă mờ kuang đơng lam bồ tờm ngan càr Hà Tĩnh bè broă lam lơh jat kơ nòl bơtàu tơnguh lơh sa – mpồl bơtìan. Thủ tướng sồr càr Hà Tĩnh pal pơn jat tai bơt bơtàu bơtàu tơnguh công nghiệp, ring bal, bơtàu tơnguh kơ\ kơljap lơh sa – mpồl bơtìan, sền gàr lơngap lơngai, sền gàr dà lơgar. Thủ tướng kung kơp kờ` bơtàu tơnguh bơh càr Hà Tĩnh dê mhar mut tàm khà 20 càr, [òn dờng jơnhua ngan rlau jơh dà lơgar. Bal mờ hơ\ là tơr gùm lơh niam wơl broă bơcri pria\ kă bro, bơtàu tơnguh tiah ơm kis công nghệ thông tin pa.

Gơ wèt mờ ală rơndap broă lơh kuơmàng tàm càr, Thủ tướng sồr pal gàr niam tơngai pơrgon mờ sền gàr tiah ơm kis tu\ lơh broă. Pơn jat tai tơmù khà kuang bàng drơng broă, lơh niam wơl sră nggal lơh broă hành chính; sền gròi tus broă tơnguh cồng nha bơto bơtê, khoa học công nghệ. Càr kung pal geh broă lơh rơcang sơndră trồ tiah lơh aniai, tam dră mờ tam gơl trồ tiah. Sền gròi tus broă lơh sền gàr lơngap lơngai, sền gàr dà lơgar. Đơs tus ală bơta pràn bè nhơl chờ, Thủ tướng đơs là, Hà Tĩnh pal kơlôi sơnơng bơtàu tơnguh nhơl chờ dà lềng, nhơl chờ brê bơnơm, tiah tềl kah yau…

Cau mblàng K’Duẩn