VOV4.K’ho- Ngai òr (16/9), tàm Quảng Trị, Thủ tướng Nguyễn Xuân Phúc  neh tus, yal kơrnoat sồr sơn đờm mut lơh rơndap broă lơh gơl gùng ntoat rat đah Tô- đah Jum. 

Rơndap broă lơh gùng ntoat rat đah Tô- đah Jum là broă lơh kuơ màng dà lơgar lơh lài bơcri priă tàm tơngai bơh nam 2017-2020, neh geh Quốc hội ring bal gùng dà broă lơh bơcri priă mờ geh ai bơcri priă mờ 11 bơnah broă lơh tàm hơ\ geh gơl gùng Cam Lộ-La Sơn lòt gan 2 càr Quảng Trị mờ Thừa Thiên Huế geh bơta jòng mờr 100 kơi sồ, kờp jơh priă bơcri 7 rơbô 669 tơmàn. Digơlan rơndap broă lơh do geh lơh gơs tàm nam 2021.

Đơs tàm dơ\ sơn đờm mut lơh, Thủ tướng đơs nền bơta kuơ màng ngan bơh gùng ntoat rat đah Tô - đah Jum dê mờr tus tu\ do neh lơh geh mờr 1 rơbô kơi sồ. Digơlan nam 2025, gùt lơgar geh rlau 4 rơbô kơi sồ gùng ntoat rat jòng bơh Lạng Sơn tus Cà Mau.

Thủ tướng pà g^t, geh 4 gơl gùng lòt kuơ màng lòt jat dà lơgar. Lài ngan là gùng rơndeh dờng 1 gam pơn jat tai lơh niam wơl, gơl dơ\ 2 là gùng Hồ Chí Minh, gơl gùng dơ\ 3 là gùng ntoat rat đah Tô- đah Jum mờ dơ\ 4 là gơl gùng jat kềng gah dà lềng. Lơh geh 4 gơl gùng do, bal mờ gùng rơndeh ồs ntoat rat geh yal mờ dà lơgar mờ Quốc hội in sền sơ wì, geh lơh gơlik ală gùng rơndeh ồs, gùng ù gờl, gùng rơndeh par, gùng tàm dà tàm Việt Nam, là bơta kuơ màng nàng ai dà lơgar in bơtàu tơnguh.

Cau mblàng K’ Hạnh